क्रिकेटमा प्रयोग हुने शब्दावलीहरु (क्रिकेट बुझ्न चाहनेहरुका लागि)

|
क्रिकेटमा प्रयोग हुने शब्दावलीहरु (क्रिकेट बुझ्न चाहनेहरुका लागि)


क्रिकेट संग सम्बन्धित नियम तथा शब्दावलीको एक विस्तृत संख्या छ। यदी तपाईं क्रिकेट भर्खरै मात्र बुझ्दै हुनुहुन्छ भने हामी तपाईंलाई सहयोग गर्नेछौं। यो अबको ५ मिनेट तपाईंको लागि, निकै फलदायक हुनेछ। हामी केही शब्दहरु बुझाउन चाहान्छौं जुन क्रिकेटमा निकै महत्वपुर्ण छन्।

१. ब्याट्सम्यान:

ब्याट समातेर रन बनाउने खेलाडीलाई ब्याट्सम्यान भनिन्छ।

२. बलरः

बल समातेर ब्याट्सम्यानको विकेट लिन प्रयास गर्ने खेलाडीलाई बलर भनिन्छ।

३. अल राउन्डरः 

जुन खेलाडी ब्याटिंग र बलिङ दुबै गर्न अब्बल छ, उसलाई अलराउन्डर भनिन्छ।

४. अपिल:

कुनै पनि ब्याट्सम्यानको विकेट लिन (आउट गर्न) बलिंग गर्ने साईडले अम्पायर सामु "How's that?" भनेर सोध्नुपर्छ या अपिल गर्नु पर्छ।

५. स्टम्प:

ब्याट्सम्यानले ब्याटिंग गर्दा स्टम्पलाई केही मात्रामा छेकेर बसेको हुन्छ, यो पिचको दुईतिर ३-३ वटा हुन्छन्। स्टम्पको माथि २टा बेल राखिएको हुन्छ। बलरले बलिंग गर्दा, फिल्डरले ब्याट्सम्यान क्रिजबाहिर हुंदा, बल स्टम्पमा लागेर बेल झरेमा ब्याट्सम्यान आउट हुन्छ। 

६. विकेट:

ब्याट्सम्यान आउट हुनुलाई विकेट भनिन्छ। बोल्ड आउट, क्याच आउट, रन आउट, स्टम्प्ड आउट, हिट विकेट यसका प्रकारहरु हुन्। 

यी केही आधारभुत कुरा पछि केही ब्याटिङ पक्षका केही शब्दावली हेरौं:

१.  स्ट्राईक रेट:

स्ट्राईक रेट भन्नाले ब्याट्सम्यानको खेल अनुसार, १०० बलमा कति रन हान्न सक्छ? भन्ने गणितिय अंक हो। यदि कुनै ब्याटस्म्यानले २० बलमा ३० रन जोडेको छ भने उसको स्ट्राईक रेट (३० रन/२० बल *१००) गरी १५० हुन जान्छ। सामान्यतय: टि-२० मा स्ट्राईक रेट १३० भन्दा माथि र वान डे मा १०० को आशपासलाई राम्रो मानिन्छ। 

२. अर्धशतक/शतक:

ब्याट्सम्यानले ५० रन बनाए अर्धशतक र १०० रन बनाए शतक भनिन्छ। 

३. क्रिकेटमा ब्याट्सम्यानका सटहरु: 

फ्रन्ट फुट सटहरु: 

कभर ड्राईभ, अफ ड्राईभ, स्ट्रेट ड्राईभ, अन/लेग ड्राईभ

ब्याक फुट सटहरु:

ब्याक फुट डिफेन्स, स्क्वायर कट, ब्याक फुट पन्च, पुल सट, हुक सट

(यी सट्हरु कसरी खेलिन्छन्, विस्तृतमा बुझ्न अागामी लेख कुर्नुहोला) 

बलिङ पक्षमा प्रयोग हुने शब्दाबली:

१. ओवर:

प्रत्येक ६ बलको १ ओवर हुन्छ। बलरले एक्स्ट्रा फालेमा १ ओवरमा धेरै बल हुनपनि सक्छ। 

२. मेडन:

यदि बलरले एक ओवरमा कुनै पनि रन दिएनन भने, मतलब ६ वटै डट बल फाल्न सफल भए भने, त्यो ओवरलाई मेडन ओवर भनिन्छ। 

३. ईकोनोमी:

ईकोनोमी भन्नाले कुनैपनि बलरले बलिङ गर्दा औसत १ ओवरमा कति रन दिएको छ भन्ने बुझिन्छ। उदाहरणका लागि कुनै बलरले आफ्नो ५ ओवरमा ४० रन दिएका छन् भने उनको ईकोनोमी (४० रन/५ ओवर) ८ रन प्रति ओवर को हुन्छ। यसलाई कतै Econ. लेखिएको हुन्छ। 

(क्रिकेट नेपालको उदयमान र सर्वाधिक रुचाईएको खेल हो। यस खेलको सम्पुर्ण जानकारी नेपालीमै बुझाउन जरुरी ठानी प्रयत्न गरेका छौं, कृपया आगामी दिनमा हामीसंगै रहनुहोला।) 

यो पनि जान्नुहोस:

कसरी खेलिन्छ टेस्ट क्रिकेट?